البداية من هنا

بسم الله والحمد لله والصلاة والسلام علي رسول الله صلي الله عليه وسلم
اما بعد
السلام عليكم ورحمة الله وبركاته

سلامي لكم جميعا ولكن تلك المرة ليس سلام من ارض الحرب بل هو سلام من هنا من مدونة صوت فلسطين
انا عارف ان في ناس كتير زهقت مني من ارض الحرب ، المواضيع كلها مليانة جدا حتي لما جيت اعمل استراحة للناس كانت استراحة ما يعلم بيها الا ربنا علي راي اللي قال استراحة في ظل دبابة ، بس معلش ملحوقة ان شاء الله الاستراحة الجاية ، المهم احنا مش جايين هنا نتكلم عن ارض الحرب احنا هنا هنتكلم عن فلسطين وفلسطين وبس

بداية انسوا تماما عمرو المصري اللي كنتوا تعرفوه في ارض الحرب اللي بيحاول ينقي كلامه ويقلله علي قد ما يقدر عشان خاطر الناس اللي مبتحبش تقرا كتير ، هنا الموضوع مختلف الموضوع اكبر بكتير من تذويق الكلام احنا هنا هنناقش مواضيع كتير وتقريبا مش هيبقي في غير كل ما هو مهم وبس

المواضيع باذن ربنا هتبقي متجددة باستمرار بس ياريت لو تلاحقوا عليها وتتابعوها لاني مش هتقيد بتعليقات او زيارات او غيره ، اللي عايز يتابع كل ماهو مهم وجديد عن ارض الرباط يخليه معانا ، اللي مش عايز براحته

اخيرا

المدونة مش حكر علي عمرو المصري وبس المدونة مفتوحة لاي انسان سواء مدون اوغير مدون ، الموضوع هو اللي كاتبه او ناقله ولو حتي عنوان مش اكتر يكتبه ويقولنا انا عايز موضوع في العنوان ده
واكيد مش هاضيف الموضوع باسمي لكن اكيد هاقول ان فلان الفلاني هو اللي كتبه

وقبل ما أختم

المفروض انه باذن الله اقدر اوصل بالمدونة بعد مدة معينة انها تبقي مرجع لكل انسان عايز يعرف أي حاجة عن فلسطين وطبعا ده مش هاقدر اوصله لوحدي ، انما طبعا بمساعدتكم واقتراحاتكم وارائكم وتعليقاتكم وبادعي ربنا اني اقدر اوصل للي بحلم بيه من خلال المدونة ، أهو يبقي حلم واتحقق من احلامي الكتيييييييييييييييييييييييييييييييييييييييييييييييييييييييير اللي مش عارف هالحق احققها كلها ولا هاموت قبل ما اشوفها ، عموما انا هاقول اللي عايز اقوله وامانة عليكم لو مت قبل ما حقق احلامي ابقوا كملوا انتوا بس ابقوا افتكروني

قبل ما أنسي المدونة لسه في التجديد والتجهيز والاعداد وانا مستني اقتراحاتكم

اللي لازم تقولوها كلها وبدون اي مشاكل

للمزيد من التواصل شان المدونة

راسلوني علي

amrelmasry_1001@yahoo.com

انا عارف انها بداية رخمة قوي بس انا عارف انكم زي كل مرة ان شاء الله هتسامحوني

لاتنسوني من دعاؤكم
اني احبكم في الله
سلامي
من
صوت فلسطين